കേന്ദ്ര സര്‍വകലാശാലയില്‍ അധ്യാപക പീഡനം: വിദ്യാര്‍ത്ഥിയെ പരീക്ഷയെഴുതാന്‍ അനുവദിച്ചില്ല
Apr 3, 2013, 16:39 IST
കാസര്‍കോട്: കേന്ദ്ര സര്‍വകലാശാലയില്‍ അധ്യാപകനും സഹഅധ്യാപകരും ചേര്‍ന്ന് വിദ്യാര്‍ത്ഥികളെ ഇന്റേണല്‍ പരീക്ഷയുടെ പേരിലും മറ്റും മാനസികമായി പീഡിപ്പിക്കുകയും അസഭ്യം പറയുകയും ചെയ്യുന്നതായി പരാതി. തങ്ങള്‍ക്ക് താല്‍പര്യമില്ലാത്ത വിദ്യാര്‍ത്ഥികളെ പല രീതിയിലും അധ്യാപകര്‍ പീഡിപ്പിക്കുന്നതായാണ് പരാതി.
ഹാജറില്ലെന്ന് പറഞ്ഞ് ഗവേഷണ വിദ്യാര്‍ത്ഥിയെ പരീക്ഷയ്ക്ക് തൊട്ടുമുമ്പ് പരീക്ഷയെഴുതാന്‍ അനുവദിക്കാതിരുന്നത് വ്യാപകമായ പ്രതിഷേധത്തിന് കാരണമായിട്ടുണ്ട്. കാസര്‍കോട് കേന്ദ്രസര്‍വകലാശാല എംഫില്‍ വിദ്യാര്‍ത്ഥി കോഴിക്കോട് ഏലത്തൂരിലെ എ. അരുണിനാണ് സര്‍വകലാശാല അധികൃതര്‍ പരീക്ഷക്കുള്ള അവസരം നിഷേധിച്ചതായി വാര്‍ത്താസമ്മേളനത്തില്‍ അറിയിച്ചത്.
ബുധനാഴ്ചയാണ് എംഎഫില്‍ പൊതു പരീക്ഷ തുടങ്ങിയത്. പരീക്ഷയെഴുതാനെത്തി പരീക്ഷ ഹാളില്‍ ഇരിക്കുമ്പോഴാണ് ഹാജര്‍ കുറവുള്ള കാരണത്താല്‍ പരീക്ഷയെഴുതാന്‍ കഴിയില്ലെന്ന് വകുപ്പ് മേധാവിയുടെ അറിയിപ്പ് ലഭിച്ചതെന്ന് അരുണ്‍ പറയുന്നു. വകുപ്പ് മേധാവിയുടെ അനുമതിയോടെ തിരുവനന്തപുരത്തു നടന്ന ഫിലിംഫെസ്റ്റ് പങ്കെടുക്കാന്‍ പോയെങ്കിലും പിന്നീട് ഈ ദിവസങ്ങളിലെ അവധി അനുവദിക്കാതെ ഹാജറില്ലെന്ന് പറഞ്ഞ് പരീക്ഷയെഴുതുന്നതില്‍ നിന്ന് വിലക്കുകയായിരുന്നു.
ഇതിന് പിന്നില്‍ വകുപ്പിലെ അധ്യാപകന് തന്നോടുള്ള വ്യക്തിവിരോധമാണെന്ന് അരുണ്‍ പറഞ്ഞു. അസോസിയേറ്റ് പ്രൊഫസര്‍ പ്രസാദ് പന്ന്യന്റെ നേതൃത്വത്തില്‍ സര്‍വകലാശായില്‍ ദേശീയ സെമിനാര്‍ സംഘടിപ്പിച്ചിരുന്നു. എന്നാല്‍ സെമിനാറില്‍ സഹകരിച്ചില്ലെന്നും സെമിനാറിനെ കുറിച്ച് ഫേസ്ബുക്കില്‍ മോശമായ കമന്റ് പോസ്റ്റ് ചെയ്‌തെന്നും ആരോപിച്ച് അധ്യാപകന് എല്ലാവരുടെയും മുന്നില്‍വെച്ച് മോശമായി പെരുമാറുകയും മാനസികമായി പീഡിപ്പിക്കുകയുമായിരുന്നു. ഇന്റേണല്‍ മാര്‍ക്ക് മറ്റുള്ള വിദ്യാര്‍ത്ഥികളെക്കാള്‍ കുറയ്ക്കുകയും ചെയ്തിരുന്നു.
അസിസ്റ്റന്റ് പ്രൊഫസറായ ഡോ. ശാലിനിയും അധ്യാപകന്റെ പ്രേരണയില്‍ തനിക്ക് ഇന്റേണല്‍ മാര്‍ക്ക് കുറച്ചതായും അരുണ്‍ പരാതിപ്പെട്ടു. സിനിമയുമായി ബന്ധപ്പെട്ടാണ് താന്‍ ഗവേഷണ പ്രവര്‍ത്തനം നടത്തുന്നതെന്ന് അരുണ്‍ പറയുന്നു. അതുകൊണ്ടു തന്നെ മേലധികാരിയുടെ അനുമതിയോടെ പങ്കെടുത്ത ഫിലിം ഫെസ്റ്റിവലിന്റെ പത്ത് ദിവസം ഹാജര്‍ കൂട്ടി നല്‍കാന്‍ വിരോധം കാരണം അധ്യാപകനും മേലധികാരികളും തയ്യാറായില്ലെന്നും അരുണ്‍ വ്യക്തമാക്കി.
പി.ജി കോഴ്‌സും നേരത്തെ കേന്ദ്ര സര്‍വകലാശാലയില്‍ തന്നെയാണ് നടത്തിയത്. കമ്പാരിറ്റി ലിറ്ററേച്ചര്‍, കള്‍ച്ചറല്‍ തീയ്യറി എന്നീ വിഷയങ്ങളിലെ ഇന്റേണല്‍ മാര്‍ക്കാണ് മറ്റ് വിദ്യാര്‍ത്ഥികളേക്കാള്‍ കുറച്ചു നല്‍കിയത്. പരീക്ഷയെഴുതാന്‍ അനുവദിക്കാത്തത് മൂലം തനിക്ക് തന്റെ പി.ജി കോഴ്‌സും എംഫിലും ഉന്നത പഠനവും വെറുതെയായെന്ന് അരുണ്‍ പറയുന്നു. ഇതിന് തുടര്‍ പരീക്ഷയോ മറ്റോ സാധ്യമല്ലാത്തത് കൊണ്ട് വിദ്യാര്‍ത്ഥിയുടെ ഭാവി തന്നെ ഇരുളടയുകയാണ് ചെയ്തിരിക്കുന്നത്.
അധ്യാപകരുടെ എല്ലാ കൊള്ളരുതായ്മകളും സഹിക്കുന്നവര്‍ക്ക് മാത്രമെ ഇവരുടെ പ്രീതിയും മാര്‍ക്കും ലഭിക്കുകയുളളൂവെന്നും പരീക്ഷയുടെ നടത്തിപ്പും മൂല്യനിര്‍ണയവും മറ്റു കാര്യങ്ങളും നടത്തേണ്ടത് ഇതേ അധ്യാപരാണെന്നും അതുകൊണ്ട് തന്നെ വിദ്യാര്‍ത്ഥികള്‍ ഓച്ചാനിച്ച് കഴിയേണ്ട സാഹചര്യമാണ് ഉള്ളതെന്നും പ്രതികരിക്കുന്നവരെ പരീക്ഷയില്‍ തോല്‍പിക്കുന്ന രീതിയാണ് നിലവിലുളളതെന്നും അരുണ്‍ പറഞ്ഞു.
മറ്റ് അധ്യാപകര്‍ക്കും വിദ്യാര്‍ത്ഥികള്‍ക്കും ഗോവ ഫിലിം ഫെസ്റ്റിവലിലടക്കം പങ്കെടുക്കാന്‍ സറ്റൈപെന്റും അവധിയും അനുവദിക്കുമ്പോഴാണ് ക്ലാസിലെ മൂന്നാം റാങ്കുകാരനായ തനിക്ക് അവധി നല്‍കാതിരിക്കുകയും വിരോധം കാരണം മാര്‍ക്ക് കുറയ്ക്കുകയും ചെയ്തിരിക്കുന്നതെന്ന് അരുണ്‍ വാര്‍ത്താസമ്മേളനത്തില്‍ കുറ്റപ്പെടുത്തി.
പരീക്ഷയെഴുതാന്‍ സമ്മതിക്കാത്തതിനെതിരെ വൈസ് ചാന്‍സിലര്‍ ജാന്‍സി ജെയിംസിന് പരാതി നല്‍കിയതായും തീരുമാനം അനുകൂലമായില്ലെങ്കില്‍ നിയമ നടപിടി സ്വീകരിക്കുമെന്നും അരുണ്‍ പറഞ്ഞു. വേണ്ടത്ര യോഗ്യത ഇല്ലാതെയാണ് ഡോക്ടര്‍ പ്രസാദ് പന്ന്യന്‍ സര്‍വകലാശാലയില്‍ അസോസിയേറ്റ് പ്രൊഫസറായി ജോലിചെയ്യുന്നതെന്നും ഇദ്ദേഹത്തിനെതിരെ സര്‍വകലാശാല നോട്ടീസ് നല്‍കിയിട്ടുണ്ടെന്നും അരുണ്‍ വെളിപ്പെടുത്തി.
Keywords: Press Meet, Central University, Teachers, Examination, Case, Protest, Student, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.
ഹാജറില്ലെന്ന് പറഞ്ഞ് ഗവേഷണ വിദ്യാര്‍ത്ഥിയെ പരീക്ഷയ്ക്ക് തൊട്ടുമുമ്പ് പരീക്ഷയെഴുതാന്‍ അനുവദിക്കാതിരുന്നത് വ്യാപകമായ പ്രതിഷേധത്തിന് കാരണമായിട്ടുണ്ട്. കാസര്‍കോട് കേന്ദ്രസര്‍വകലാശാല എംഫില്‍ വിദ്യാര്‍ത്ഥി കോഴിക്കോട് ഏലത്തൂരിലെ എ. അരുണിനാണ് സര്‍വകലാശാല അധികൃതര്‍ പരീക്ഷക്കുള്ള അവസരം നിഷേധിച്ചതായി വാര്‍ത്താസമ്മേളനത്തില്‍ അറിയിച്ചത്.
ബുധനാഴ്ചയാണ് എംഎഫില്‍ പൊതു പരീക്ഷ തുടങ്ങിയത്. പരീക്ഷയെഴുതാനെത്തി പരീക്ഷ ഹാളില്‍ ഇരിക്കുമ്പോഴാണ് ഹാജര്‍ കുറവുള്ള കാരണത്താല്‍ പരീക്ഷയെഴുതാന്‍ കഴിയില്ലെന്ന് വകുപ്പ് മേധാവിയുടെ അറിയിപ്പ് ലഭിച്ചതെന്ന് അരുണ്‍ പറയുന്നു. വകുപ്പ് മേധാവിയുടെ അനുമതിയോടെ തിരുവനന്തപുരത്തു നടന്ന ഫിലിംഫെസ്റ്റ് പങ്കെടുക്കാന്‍ പോയെങ്കിലും പിന്നീട് ഈ ദിവസങ്ങളിലെ അവധി അനുവദിക്കാതെ ഹാജറില്ലെന്ന് പറഞ്ഞ് പരീക്ഷയെഴുതുന്നതില്‍ നിന്ന് വിലക്കുകയായിരുന്നു.
ഇതിന് പിന്നില്‍ വകുപ്പിലെ അധ്യാപകന് തന്നോടുള്ള വ്യക്തിവിരോധമാണെന്ന് അരുണ്‍ പറഞ്ഞു. അസോസിയേറ്റ് പ്രൊഫസര്‍ പ്രസാദ് പന്ന്യന്റെ നേതൃത്വത്തില്‍ സര്‍വകലാശായില്‍ ദേശീയ സെമിനാര്‍ സംഘടിപ്പിച്ചിരുന്നു. എന്നാല്‍ സെമിനാറില്‍ സഹകരിച്ചില്ലെന്നും സെമിനാറിനെ കുറിച്ച് ഫേസ്ബുക്കില്‍ മോശമായ കമന്റ് പോസ്റ്റ് ചെയ്‌തെന്നും ആരോപിച്ച് അധ്യാപകന് എല്ലാവരുടെയും മുന്നില്‍വെച്ച് മോശമായി പെരുമാറുകയും മാനസികമായി പീഡിപ്പിക്കുകയുമായിരുന്നു. ഇന്റേണല്‍ മാര്‍ക്ക് മറ്റുള്ള വിദ്യാര്‍ത്ഥികളെക്കാള്‍ കുറയ്ക്കുകയും ചെയ്തിരുന്നു.
പി.ജി കോഴ്‌സും നേരത്തെ കേന്ദ്ര സര്‍വകലാശാലയില്‍ തന്നെയാണ് നടത്തിയത്. കമ്പാരിറ്റി ലിറ്ററേച്ചര്‍, കള്‍ച്ചറല്‍ തീയ്യറി എന്നീ വിഷയങ്ങളിലെ ഇന്റേണല്‍ മാര്‍ക്കാണ് മറ്റ് വിദ്യാര്‍ത്ഥികളേക്കാള്‍ കുറച്ചു നല്‍കിയത്. പരീക്ഷയെഴുതാന്‍ അനുവദിക്കാത്തത് മൂലം തനിക്ക് തന്റെ പി.ജി കോഴ്‌സും എംഫിലും ഉന്നത പഠനവും വെറുതെയായെന്ന് അരുണ്‍ പറയുന്നു. ഇതിന് തുടര്‍ പരീക്ഷയോ മറ്റോ സാധ്യമല്ലാത്തത് കൊണ്ട് വിദ്യാര്‍ത്ഥിയുടെ ഭാവി തന്നെ ഇരുളടയുകയാണ് ചെയ്തിരിക്കുന്നത്.
അധ്യാപകരുടെ എല്ലാ കൊള്ളരുതായ്മകളും സഹിക്കുന്നവര്‍ക്ക് മാത്രമെ ഇവരുടെ പ്രീതിയും മാര്‍ക്കും ലഭിക്കുകയുളളൂവെന്നും പരീക്ഷയുടെ നടത്തിപ്പും മൂല്യനിര്‍ണയവും മറ്റു കാര്യങ്ങളും നടത്തേണ്ടത് ഇതേ അധ്യാപരാണെന്നും അതുകൊണ്ട് തന്നെ വിദ്യാര്‍ത്ഥികള്‍ ഓച്ചാനിച്ച് കഴിയേണ്ട സാഹചര്യമാണ് ഉള്ളതെന്നും പ്രതികരിക്കുന്നവരെ പരീക്ഷയില്‍ തോല്‍പിക്കുന്ന രീതിയാണ് നിലവിലുളളതെന്നും അരുണ്‍ പറഞ്ഞു.
മറ്റ് അധ്യാപകര്‍ക്കും വിദ്യാര്‍ത്ഥികള്‍ക്കും ഗോവ ഫിലിം ഫെസ്റ്റിവലിലടക്കം പങ്കെടുക്കാന്‍ സറ്റൈപെന്റും അവധിയും അനുവദിക്കുമ്പോഴാണ് ക്ലാസിലെ മൂന്നാം റാങ്കുകാരനായ തനിക്ക് അവധി നല്‍കാതിരിക്കുകയും വിരോധം കാരണം മാര്‍ക്ക് കുറയ്ക്കുകയും ചെയ്തിരിക്കുന്നതെന്ന് അരുണ്‍ വാര്‍ത്താസമ്മേളനത്തില്‍ കുറ്റപ്പെടുത്തി.
പരീക്ഷയെഴുതാന്‍ സമ്മതിക്കാത്തതിനെതിരെ വൈസ് ചാന്‍സിലര്‍ ജാന്‍സി ജെയിംസിന് പരാതി നല്‍കിയതായും തീരുമാനം അനുകൂലമായില്ലെങ്കില്‍ നിയമ നടപിടി സ്വീകരിക്കുമെന്നും അരുണ്‍ പറഞ്ഞു. വേണ്ടത്ര യോഗ്യത ഇല്ലാതെയാണ് ഡോക്ടര്‍ പ്രസാദ് പന്ന്യന്‍ സര്‍വകലാശാലയില്‍ അസോസിയേറ്റ് പ്രൊഫസറായി ജോലിചെയ്യുന്നതെന്നും ഇദ്ദേഹത്തിനെതിരെ സര്‍വകലാശാല നോട്ടീസ് നല്‍കിയിട്ടുണ്ടെന്നും അരുണ്‍ വെളിപ്പെടുത്തി.
Keywords: Press Meet, Central University, Teachers, Examination, Case, Protest, Student, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.
Tags
Share this story
