സമരത്തിനിടയിലേക്ക് കാറോടിക്കാന്‍ ശ്രമിച്ച എം.എല്‍.എയുടെ 'ബന്ധുവിനെ' പൊക്കി

കാസര്‍കോട്: എന്‍ഡോസള്‍ഫാന്‍ സമരത്തിന്റെ ഭാഗമായി റോഡ് ഉപരോധിച്ച പീഡിത ജനകീയ മുന്നണി പ്രവര്‍ത്തകര്‍ക്കിടയിലൂടെ ആള്‍ട്ടോ കാര്‍ ഓടിച്ച് പോകാന്‍ ശ്രമിച്ച എം.എല്‍.എയുടെ 'ബന്ധു'വിനെ സമരക്കാര്‍ തടയുകയും ഇയാളെ പിന്നീട് പോലീസ് പൊക്കുകയും ചെയ്തു. തിങ്കളാഴ്ച വൈകിട്ട് 3.30 മണിയോടെയാണ് റോഡുപരോധിച്ചവര്‍ക്കിടയിലൂടെ കാര്‍ ഓടിച്ച് കയറ്റാന്‍ യുവാവ് ശ്രമിച്ചത്.

ഇത് സമരക്കാര്‍ തടഞ്ഞപ്പോള്‍ കയ്യാങ്കളി ഉണ്ടാവുകയും ചെയ്തു. ഇതിനിടയിലാണ് താന്‍ എം.എല്‍.എയുടെ ബന്ധുവാണെന്നും അത്യാവശ്യമായി പോകാനുണ്ടെന്നും വഴിയൊരുക്കണമെന്നും യുവാവ് ആവശ്യപ്പെട്ടത്. പ്രശ്‌നം സംഘര്‍ഷത്തിലേക്ക് മാറുന്നതിന് മുമ്പ് തന്നെ യുവാവിനെ പോലീസ് കസ്റ്റഡിയിലെടുത്ത് സ്‌റ്റേഷനിലേക്ക് കൊണ്ടുപോയി.