ഗവ.കോളജിനെ സ്‌പെഷ്യല്‍ ഗ്രേഡ് കോളജായി ഉയര്‍ത്തണം: MSF

വിദ്യാനഗര്‍: കാസര്‍കോട് ഗവ.കോളജിനെ സ്‌പെഷ്യല്‍ ഗ്രേഡ് കോളജായി ഉയര്‍ത്തണമെന്ന് ഗവ.കോളജ് എം.എസ്.എഫ് യൂണിറ്റ് സമ്മേളനം ആവശ്യപ്പെട്ടു. ജില്ലയുടെ വിദ്യാഭ്യാസ പിന്നക്കാവസ്ഥ പരിഹരിക്കുന്നതിന് ഇത് സഹായകമാകും. ഇതുമായി ബന്ധപ്പെട്ട് എന്‍.എ.നെല്ലിക്കുന്ന് എം.എല്‍.എ മുഖാന്തിരം മുഖ്യമന്ത്രി, വിദ്യഭ്യാസ മന്ത്രി, വ്യവസായ വകുപ്പ് മന്ത്രി, ധനകാര്യ മന്ത്രി എന്നിവര്‍ക്ക് നിവേദനം നല്‍കും.

സമ്മേളനത്തോടനുബന്ധിച്ച് നാക്ക് സന്ദര്‍ശനവും കോളജിന്റെ പ്രവര്‍ത്തനങ്ങള്‍ക്ക് നേതൃത്വം നല്‍കിയ അധ്യാപക അനുമോദിക്കലും നടത്തും. എന്‍.എസ്.എസ്, എന്‍.സി.സി എന്നിവയില്‍ മികവ് പുലര്‍ത്തിയ വിദ്യാര്‍ത്ഥികള്‍ക്കുള്ള സമ്മാനവും വിതരണം ചെയ്യും.