എസ്.എഫ്.ഐ പ്രവര്‍ത്തകന്റെ കാല്‍ തല്ലിയൊടിച്ച നാല് എം.എസ്.എഫ് പ്രവര്‍ത്തകര്‍ അറസ്റ്റില്‍

കാസര്‍കോട് വിദ്യാനഗര്‍ ഐ.ടി.ഐ കോളജിലെ വിദ്യാര്‍ഥിയും, കാസര്‍കോട് അശോക് നഗറിലെ മധുസൂദനന്റെ മകന്‍ കെ.സബിന്‍ കുമാറിനെയാണ് അക്രമിച്ചത്. സംഭവത്തില്‍ എം.എസ്.എഫ് പ്രവര്‍ത്തകരായ പാഡൂരിലെ മുഹമ്മദ് ഷാഫി(20), തളങ്കര ഖാസി ലൈനിലെ എം.അബു താഹിര്‍(19), നാലംപാടി മൗവ്വാറിലെ മുഹമ്മദ് ഫയാസ്(19), ബോവിക്കാനം മുതലപ്പാറയിലെ എം.ബി.മുഹമ്മദ് അഷ്‌റഫ്(19) എന്നിവരെയാണ് വിദ്യാനഗര്‍ പോലീസ് അറസ്റ്റ് ചെയ്തത്.

2013 ജനുവരി ഒമ്പതിന്‌ ഉച്ചയ്ക്ക് 12.30 മണിക്ക് കോളജ് ക്യാമ്പസില്‍ വെച്ച് എം.എസ്.എഫ് പ്രവര്‍ത്തകര്‍ സംഘം ചേര്‍ന്ന് സബിന്‍ കുമാറിനെ തടഞ്ഞു നിര്‍ത്തി അടിച്ചു വീഴ്ത്തി ചവിട്ടിയും, ബക്കറ്റ്, റീപ്പ്, വടി, ഇരുമ്പ് വടി എന്നിവ കൊണ്ട് അടിച്ച് ഇടതു കാലെല്ല് തകര്‍ക്കുകയും കൊല്ലുമെന്ന് ഭീഷണിപ്പെടുത്തുകയുമായിരുന്നവെന്നാണ് പരാതി. ഹൈക്കോടതി നിര്‍ദേശ പ്രകാരം പ്രതികള്‍ പോലീസില്‍ കീഴടങ്ങുകയായിരുന്നു. ഇവരെ പിന്നീട് ജാമ്യത്തില്‍ വിട്ടു.

Keywords: SFI worker, Attacked, MSF worker, Arrest, POlice, Vidyanagar, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News.