യുദ്ധത്തിനെതിരെയുള്ള മധു ചീമേനിയുടെ ഫോട്ടോ പ്രദര്ശനം ശ്രദ്ധേയമാകുന്നു
Jan 13, 2013, 23:12 IST
കാസര്കോട്: സി.ഐ.ടി.യു. സമ്മേളന നഗരിയില് അവതരിപ്പിച്ച മധു ചീമേനിയുടെ ഫോട്ടോ പ്രദര്ശനം ശ്രദ്ധേയമാകുന്നു. യുദ്ധത്തിനെതിരെയും, എന്ഡോസള്ഫാന്, ഭോപ്പാല് ദുരന്തം, മുംബൈ ഭീകരാക്രമണം, വേള്ഡ് ട്രേഡ്സെന്റര് ആക്രമണം, ഒ ന്നാം ലോക മഹായുദ്ധം, രണ്ടാം ലോക മഹായുദ്ധം, പാര്ലിമെന്റ് ആക്രമണം തുടങ്ങിയവയുടെ 700 ഓളം ചിത്രങ്ങളാണ് മധു ചീമേനി പ്രദര്ശനത്തിനുള്ളത്. യുദ്ധത്തിനും, മറ്റു സാമൂഹ്യ തിന്മകള്ക്കെതിരെയും, ദുരന്തത്തെകുറിച്ചും സമൂഹത്തെ ബോധവാന്മാരാക്കുക എന്നാതാണ് തന്റെ ലക്ഷ്യമെന്ന് മധു പറയുന്നു.
ചീമേനി സര്വീസ് സഹകരണ ബാങ്കില് ക്ലര്ക്കായി ജോലി ചെയ്യുന്ന മധു 20 വര്ഷത്തോളമായി തന്റെ ഫോട്ടോശേഖരണത്തിന് തുടക്കമിട്ടിട്ട്. ഇതുവരെയായി മധു 1500 ഓളം വേദികളില് തന്റെ സാന്നിധ്യം അറിയിക്കുകയുണ്ടായി. ഫോട്ടോകളോടൊപ്പം നിരവധി ആല്ബ ശേഖരണങ്ങളും മധുവിന്റെ പക്കലുണ്ട്. ഇതുവരെയായി മധുവിന്റെ ആല്ബത്തിന് പലരും വിലപറഞ്ഞെങ്കിലും മധു തന്റെ ശേഖരങ്ങള് വില്ക്കാന് തയാറായിട്ടില്ല. 2004 ല് നടത്തിയ ഓരു പ്രദര്ശനത്തിനിടെ ഒരു സ്വിറ്റസര്ലാന്റുകാരന് തന്റെ ഒരാല്ബത്തിന് 10,000 വിലപറഞ്ഞെങ്കിലും മധു അത് വില്ക്കാന് തയാറിയില്ല.
യുദ്ധത്തിന്റെ 300 ഓളം ഫോട്ടോകളാണ് മധുവിന്റെ പ്രദര്ശനത്തില് ഉള്പ്പെടുത്തിയിട്ടുള്ളത്. ഇതുകൂടാതെ ഭോപ്പാല് ദുരന്തത്തിന്റെ 25 ഉം, എന്ഡോസള്ഫാന്റെ 35 ഉം ഫോട്ടോകള് മധു പ്രദര്ശനത്തിനായി ഒരുക്കിയിട്ടുണ്ട്.
രജനിയാണ് ഭാര്യ. മക്കള്: ആകാശ്, ജഗദ്നാഥ്, ശിവദത്ത്. ജഗദ്നാഥ് എന്ഡോസള്ഫാന് ദുരിത ബാധിതനും, ഹൃദ്രോഗിയുമാണ്.
Keywords : Kasaragod, Photo, CITU, Kerala, Madhu Cheemeni, War, Endosulfan, Bopal, Album, Bank, College, Kasargodvartha, Malayalam News.
