സി.ഐ.ടി.യു സംസ്ഥാന സമ്മേളനത്തിന്റെ ഒരുക്കങ്ങള് പൂര്ത്തിയായി
Jan 8, 2013, 21:21 IST
പകല് മൂന്നിന് കാസര്കോട് പുതിയ ബസ്സ്റ്റാന്ഡിന് സമീപത്ത് “മതനിരപേക്ഷത നേരിടുന്ന വെല്ലുവിളികള്’വിഷയത്തില് സെമിനാര് നടക്കും. സിപിഎം സംസ്ഥാന സെക്രട്ടറി പിണറായി വിജയന് ഉദ്ഘാടനം ചെയ്യും. മുസ്ലിംലീഗ് ദേശീയ സെക്രട്ടറി ഇ ടി മുഹമ്മദ് ബഷീര് എംപി, സിപിഐ ദേശീയ എക്സിക്യൂട്ടീവംഗം കാനം രാജേന്ദ്രന്, കോണ്ഗ്രസ് എസ് സംസ്ഥാന പ്രസിഡന്റ് രാമചന്ദ്രന് കടന്നപ്പള്ളി, സിഐടിയു സംസ്ഥാന സെക്രട്ടറി എളമരം കരീം എംഎല്എ എന്നിവര് പങ്കെടുക്കും.
13ന് പകല് 3.30ന് പുലിക്കുന്ന് ജില്ലാ ലൈബ്രറി കൗണ്സില് പരിസരത്ത് പി ഗോവിന്ദപിള്ള നഗറില് സാംസ്കാരിക സമ്മേളനം ഏഴാച്ചേരി രാമചന്ദ്രന് ഉദ്ഘാടനം ചെയ്യും. ഡോ. കെ പി മോഹനന്, പ്രൊഫ. എം എം നാരായണന് എന്നിവര് പങ്കെടുക്കും. രാത്രി ഏഴിന് അശ്വതി അശോകന്റെ “മാര്ക്സാണ് ശരി’ കഥാപ്രസംഗം അരങ്ങേറും.
14ന് പകല് മൂന്നിന് പുലിക്കുന്നില്നിന്ന് പതിനായിരക്കണക്കിന് തൊഴിലാളികള് അണിനിരക്കുന്ന റാലിയും പുതിയ ബസ്സ്റ്റാന്ഡിന് സമീപത്ത് തയ്യാറാക്കിയ കെ പത്മനാഭന് നഗറില് പൊതുസമ്മേളനവും നടക്കും. ദേശീയ പ്രസിഡന്റ് എ കെ പത്മനാഭന് ഉദ്ഘാടനം ചെയ്യും.
സമ്മേളനത്തിന്റെ പ്രചാരണാര്ഥം സിഐടിയു പ്രവര്ത്തകര് ജില്ലയിലെ വീടുകള്— കയറിയിറങ്ങി ലഘുലേഖകള് വിതരണം ചെയ്തു. സമ്മേളന ചെലവിലേക്കായി ഓരോ വീട്ടില്നിന്നും പത്തുരൂപ തോതില് ശേഖരിച്ച ഫണ്ട് സംസ്ഥാന സെക്രട്ടറിമാരായ പി നന്ദകുമാറിന്റെയും ടി പി രാമകൃഷ്ണന്റെയും നേതൃത്വത്തില് വിളംബര ജാഥ നടത്തി ഏറ്റുവാങ്ങി.
സമ്മേളനത്തിന്റെ ഭാഗമായി ജില്ലയിലാകെ വിപുലമായ പരിപാടികള് സംഘടിപ്പിച്ചു. വിവിധ വിഷയങ്ങളെ ആസ്പദമാക്കി ഏരിയാകേന്ദ്രങ്ങളില് 13 സെമിനാര് സംഘടിപ്പിച്ചു. നാല് കേന്ദ്രങ്ങളിലായി വോളിബോള്, കബഡി, കമ്പവലി, ക്രിക്കറ്റ് മത്സരങ്ങളും നടത്തി. വിജയികള്ക്കുള്ള ട്രോഫിയും സമ്മേളന ലോഗോ രൂപകല്പന ചെയ്ത തൃശൂരിലെ മുജീബ് റഹ്മാനുള്ള ഉപഹാരവും പൊതുസമ്മേളനത്തില്വച്ച് നല്കും.
സമ്മേളനത്തോടനുബന്ധിച്ച് നടന്ന സാഹിത്യമത്സരത്തില് വിജയികളായ പി കൃപ, നെക്രാജെ, പി വി സൗമ്യ, പിലാത്തറ (ഹൈസ്കൂള് വിഭാഗം), ശ്രുതി ശശിധരന് ഫാറൂഖ് കോളേജ് കോഴിക്കോട്, ടി സി തേജസ്വിനി, കടലായി, പി അക്ഷര, ഇരിയണ്ണി (ഹയര്സെക്കന്ഡറി, കോളേജ് വിഭാഗം), പി പി സുനില്കുമാര്, അഞ്ചരക്കണ്ടി, എം എം ജിനേഷ് പിലാത്തറ, വലിയശാല രാജു പുനലൂര് (പൊതുവിഭാഗം) എന്നിവര്ക്കും പൊതുസമ്മേളനത്തില്വച്ച് ഉപഹാരം നല്കും.
കൊടി- കൊടിമര ജാഥകള് വിവിധ കേന്ദ്രങ്ങളില്നിന്ന് 11ന് ആരംഭിക്കും. പ്രതിനിധി സമ്മേളന നഗരയായ വരദരാജപൈ നഗറില് ഉയര്ത്താനുള്ള പതാക കാഞ്ഞങ്ങാട്ടെ സ. പ്രഭാകരന് സ്മൃതി മണ്ഡപത്തില് പകല് ഒന്നിന് കെഎസ്കെടിയു സംസ്ഥാന കമ്മിറ്റിയംഗം കെ കുഞ്ഞിരാമന് എംഎല്എ, സിഐടിയു സംസ്ഥാന കമ്മിറ്റിയംഗം അഡ്വ. പി അപ്പുക്കുട്ടന് കൈമാറും. തുടര്ന്ന് അത്ലറ്റുകള് റിലെയായി സമ്മേളന നഗരിയിലെത്തിക്കും. കൊടിമരം പകല് രണ്ടിന് ബന്തടുക്ക സ. ബാലകൃഷ്ണ നായ്ക് സ്മൃതി മണ്ഡപത്തില്വച്ച് സിപിഐ എം ജില്ലാസെക്രട്ടറി കെ പി സതീഷ്ചന്ദ്രന്, സിഐടിയു സംസ്ഥാന കമ്മിറ്റിയംഗം യു തമ്പാന് നായര്ക്ക് കൈമാറും. തുടര്ന്ന് നിരവധി വാഹനങ്ങളുടെ അകമ്പടിയോടെ സമ്മേളന നഗരിയിലെത്തിക്കും.
പൊതുസമ്മേളന നഗരിയായ സ. കെ പത്മനാഭന് നഗറില് ഉയര്ത്താനുള്ള പതാക കണ്ണൂര് പയ്യാമ്പലത്തെ സ. സി കണ്ണന് നഗറില്വച്ച് സിഐടിയു സംസ്ഥാന പ്രസിഡന്റ് കെ എന് രവീന്ദ്രനാഥ്, സംസ്ഥാന സെക്രട്ടറി കെ പി സഹദേവന് കൈമാറും. തുടര്ന്ന് അത്ലറ്റുകള് റിലെയായി സമ്മേളന നഗരിയിലെത്തിക്കും. കൊടിമരം പൈവളിഗെ രക്തസാക്ഷി നഗറില്വച്ച് സിഐടിയു സംസ്ഥാന ജനറല് സെക്രട്ടറി എം എം ലോറന്സ്, സംസ്ഥാന വൈസ് പ്രസിഡന്റ് എ കെ നാരായണന് കൈമാറും. തുടര്ന്ന് നിരവധി വാഹനങ്ങളുടെ അകമ്പടിയോടെ സമ്മേളന നഗരിയിലെത്തിക്കും.
വാര്ത്താസമ്മേളനത്തില് സ്വാഗതസംഘം ചെയര്മാന് പി കരുണാകരന് എംപി, ജനറല് കണ്വീനര് പി രാഘവന്, സംസ്ഥാന വൈസ് പ്രസിഡന്റ് എ കെ നാരായണന്, ജില്ലാ ജനറല് സെക്രട്ടറി ടി കെ രാജന്, വൈസ് പ്രസിഡന്റ് അഡ്വ. പി അപ്പുക്കുട്ടന്, കലാ- സാംസ്കാരിക സബ്കമ്മിറ്റി ചെയര്മാന് പി വി കെ പനയാല് എന്നിവര് പങ്കെടുത്തു.
Keywords: CITU, District conference, Tapan Sinha, Inauguration, Kasaragod, CPIM, Kerala, Malayalam news
