ബൈക്ക് യാത്രക്കാരനെ അക്രമിച്ച് പരിക്കേല്‍പിച്ചു

കാസര്‍കോട്: ബൈക്കില്‍ സഞ്ചരിക്കുകയായിരുന്ന ഗള്‍ഫുകാരനെ 15 അംഗ സംഘം വളഞ്ഞു വെച്ച് മര്‍ദിച്ചു. ബൈക്കും മൊബൈല്‍ ഫോണും തകര്‍ത്തു. സീതാംഗോളിയിലെ എ. ഷബീറിനെ (24) യാണ് ഞായറാഴ്ച രാത്രി അക്രമിച്ചത്. പള്ളിയില്‍ നിസ്‌ക്കരിച്ചതിനു ശേഷം വീട്ടിലേക്കു പോകുമ്പോഴായിരുന്നു അക്രമം. പരിക്കേറ്റ ഷബീറിനെ ജനറല്‍ ആശുപത്രിയില്‍ പ്രവേശിപ്പിച്ചു. കുവൈത്തില്‍ ജോലി ചെയ്യുന്ന ഷബീര്‍ ഈയിടെയാണ് നാട്ടില്‍ വന്നത്.

സാമ്പത്തിക ഇടപാട് സംബന്ധിച്ച തര്‍ക്കമാണ് അക്രമ കാരണമെന്ന് സംശയിക്കുന്നു. ബൈക്ക് അടിച്ചും മൊബൈല്‍ ഫോണ്‍ റോഡിലേക്കു എറിഞ്ഞുമാണ് തകര്‍ത്തതെന്ന് ഷബീര്‍ പറയുന്നു. നേരത്തെയും ഈ സംഘം തനിക്കെതിരെ ഭീഷണി മുഴക്കിയിട്ടുണ്ടെന്നും ഷബീര്‍ പരാതിപ്പെട്ടു.