ഓട്ടോ-ടാക്സി പണിമുടക്കില് ജനം വലഞ്ഞു
Nov 15, 2012, 10:44 IST
 |
|
ഓട്ടോ-ടാക്സി തൊഴിലാളികള് കാസര്കോട് നടത്തിയ പ്രകടനം
|
സി.ഐ.ടി.യു, എ.ഐ.ടി.യു.സി, ഐ.എന്.ടി.യു.സി, ബി.എം.എസ്, യു.ടി.യു.സി, എസ്,ടി.യു, എച്ച്.എം.എസ് തുടങ്ങിയ സംഘടനകള് പണിമുടക്കില് അണിചേര്ന്നിട്ടുണ്ട്. പണിമുടക്കിയവര് വിവിധ കേന്ദ്രങ്ങളില് പ്രകടനം നടത്തി.
കഴിഞ്ഞ മാസം 31ന് പ്രഖ്യാപിച്ചിരുന്ന പണിമുടക്ക് സര്ക്കാരുമായുണ്ടാക്കിയ ഒത്തുതീര്പിനെതുടര്ന്ന് മാറ്റിവെച്ചിരുന്നു. ബസ് ചാര്ജ് വര്ധനയ്ക്കൊപ്പം ഓട്ടോ-ടാക്സി നിരക്കുകളും വര്ധിപ്പിക്കുമെന്ന് സര്ക്കാര് ഉറപ്പ് നല്കിയിരുന്നു. എന്നാല് ആ ഉറപ്പ് പാലിക്കാത്തതിനെതുടര്ന്നാണ് പണിമുടക്ക് വേണ്ടിവന്നതെന്ന് സമരസമിതി നേതാക്കള് അറിയിച്ചു.
ഓട്ടോ റിക്ഷയുടെ മിനിമം കൂലി നിലവിലുള്ള 12 രൂപയില് നിന്ന് 15 രൂപയായും കിലോമീറ്റര് ചാര്ജ് ഏഴു രൂപയില് നിന്ന് ഒമ്പത് രൂപയായും വര്ധിപ്പിക്കുക, ടാക്സികളുടെ മിനിമം നിരക്ക് 100 രൂപയാക്കുക, അതിന് ആനുപാതികമായി കിലോമീറ്റര് നിരക്കും വര്ധിപ്പിക്കുക എന്നീ ആവശ്യങ്ങളും സമരസമിതി ഉന്നയിക്കുന്നുണ്ട്. ബസ് സൗകര്യമില്ലാത്ത ഉള്നാടന് പ്രദേശങ്ങളിലെ ജനങ്ങളെയാണ് പണിമുടക്ക് കൂടുതലായും ബാധിച്ചത്.
Keywords: Strike, Auto-Rickshaw, CITU, AITUC, BMS, Bus Charge, Increase, Kasragod, Kerala.
