കാസര്കോട്ടേക്ക് കൊണ്ടുവന്ന പുത്തന് ആംബുലന്സ് കോഴിക്കോട്ട് അപകടത്തില്പ്പെട്ടു
Oct 2, 2012, 13:28 IST
തിരുവനന്തപുരത്തു നിന്നും ഇത് കൊണ്ടുവരുന്നതിനിടയിലാണ് കൊയിലാണ്ടിയില് വെച്ച് ആംബുലന്സ് അപകടത്തില്പ്പെട്ടത്. കെ.എല് 01 ബി.ഇ 7162 നമ്പര് ആംബുലന്സാണ് കാറുമായി കൂട്ടിയിടിച്ച് തകര്ന്നത്. കാസര്കോട് ജനറല് ആശുപത്രിയിലെ സൂപ്രണ്ടിന്റെ കാര് ഡ്രൈവര് മോനപ്പനാണ് ആംബുലന്സ് ഓടിച്ചിരുന്നത്. കാസര്കോട് ജനറല് ആശുപത്രിയില് ആംബുലന്സ് ഡ്രൈവര് ഉണ്ടായിട്ടും സൂപ്രണ്ടിന്റെ കാര് ഡ്രൈവറെ ആംബുലന്സ് കൊണ്ടുവരാനയച്ചത് ചര്ചാ വിഷയമായിട്ടുണ്ട്.
നാഷണല് റൂറല് ഹെല്ത്ത് മിഷന് (എന്.ആര്.എച്ച്.എം) പദ്ധതിയിലുള്പെടുത്തിയാണ് കാസര്കോട് ജില്ലയ്ക്ക് രണ്ട് ആംബുലന്സ് അനുവദിച്ചിരിക്കുന്നത്. നേരത്തെ കാസര്കോടിന് അനുവദിച്ചിരുന്ന ആംബുലന്സ് ആലപ്പുഴ ജില്ലയിലേക്ക് കൊണ്ടുപോയിരുന്നു. ഇതിന് പകരമായാണ് ഏഴ് മാസത്തിന് ശേഷം രണ്ട് ആംബുലന്സുകള് കാസര്കോട്ടെത്തിച്ചിരിക്കുന്നത്. പുതുതായി കൊണ്ടുവന്ന ആംബുലന്സിന് വെന്റിലേറ്റര് സൗകര്യമില്ല.
Keywords: Kasaragod, Ambulance, General-hospital, Accident, Kerala, Kozhikode
