'ജില്ലയില്‍ പ്രിന്റിംഗ് ടെക്‌നോളജി കോഴ്‌സ് ആരംഭിക്കണം'

Mujeeb Ahmed

Jayram Nileshwaram

കാസര്‍കോട്: അനുദിനം പുരോഗമിച്ചുകൊണ്ടിരിക്കുന്ന അച്ചടി മേഖലയിലെ സാധ്യതകള്‍ പ്രയോജനപ്പെടുത്താനും ഈ രംഗത്തെ തൊഴിലാളികളുടെ ക്ഷാമം പരിഹരിക്കാനും സര്‍കാര്‍ തലത്തില്‍ പ്രായോഗിക പരിശീലനത്തോട് കൂടി പ്രിന്റിംഗ് ടെക്‌നോളജി കോഴ്‌സ് ആരംഭിക്കണമെന്ന് കേരള പ്രിന്റേഴ്‌സ് അസോസിയേഷന്‍ ജില്ലാ സമ്മേളനം ആവശ്യപ്പെട്ടു.

കോഴിക്കോട് സര്‍വകലാശാലക്ക് കീഴില്‍ ഇത്തരം കോഴ്‌സുകള്‍ നടന്നുവരുന്നുണ്ടെങ്കിലും വടക്കന്‍ മലബാറിലുള്ളവര്‍ക്ക് ഇതിന്റെ പ്രയോജനം ലഭിക്കുന്നില്ല. അച്ചടി മേഖലയിലെ പുതുചലനങ്ങള്‍ മനസിലാക്കി മുന്നേറിയാല്‍ മാത്രമേ ഈ രംഗത്ത് പിടിച്ചുനില്‍ക്കാന്‍ കഴിയുകയുള്ളൂവെന്നും യോഗം വിലയിരുത്തി.

Prabhakaran Kanhangad

സംസ്ഥാന പ്രസിഡന്റ് പി.എ. അഗസ്റ്റിന്‍ ഉദ്ഘാടനം ചെയ്തു. ജില്ലാ പ്രസിഡന്റ് മുഹമ്മദ് സാലി അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് സിബി കൊടിയാംകുന്നേല്‍, സംസ്ഥാന സെക്രട്ടറി പി.എം. ബാലകൃഷ്ണന്‍, സംസ്ഥാന നിര്‍വാഹണ സമിതിയംഗം പി.എം.അബ്ദുര്‍ റഹ്മാന്‍, എസ്. രാജാറാം പെര്‍ള, മുജീബ് അഹ്മദ്, എം. ജയറാം നീലേശ്വരം, സുലൈമാന്‍ കരിവെള്ളൂര്‍, എന്‍.കേളുനമ്പ്യാര്‍ പ്രസംഗിച്ചു.

പുതിയ ഭാരവാഹികള്‍: മുജീബ് അഹ്മദ് (പ്രസിഡന്റ്), എം. ജയറാം നീലേശ്വരം (ജന.സെക്രട്ടറി), എന്‍. കേളു നമ്പ്യാര്‍, സുലൈമാന്‍ കരിവെള്ളൂര്‍ (വൈ.പ്രസിഡന്റ്), ജനാര്‍ദ്ദനന്‍ കാഞ്ഞങ്ങാട്, രാജാറാം പെര്‍ള (ജോ.സെക്ര.), കെ. പ്രഭാകരന്‍ കാഞ്ഞങ്ങാട് (ട്രഷറര്‍.).