വൃദ്ധയുടെ സ്വര്ണം തട്ടിയ സംഘത്തിലെ യുവാവ് അറസ്റ്റില്
Sep 12, 2012, 18:59 IST
മഞ്ചേശ്വരത്തെ ആശുപത്രിയിലെത്തിയ മറിയുമ്മയെ സമീപിച്ച പ്രതികള് മകന് ഗള്ഫില് നിന്നും എട്ടുപവന് സ്വര്ണം കൊടുത്തയച്ചിട്ടുണ്ടെന്നും കടമ്പാര്വരെ വന്നാല് സ്വര്ണം നല്കാമെന്നും പറഞ്ഞു. ഇതു വിശ്വസിച്ച മറിയുമ്മ യുവാക്കള്ക്കൊപ്പം ഓട്ടോയില് കയറി. പത്തുപവന് സ്വര്ണമാണ് ഉള്ളതെന്നും രണ്ടുപവന് തന്നാല് പത്തുപവന് തിരികെ തരാമെന്ന് യാത്രമദ്ധ്യേ അറിയിക്കുകയായിരുന്നു. തുടര്ന്ന് മറിയുമ്മ കമ്മല് ഊരിക്കൊടുത്തു. സ്വര്ണം ലഭിച്ചതോടെ പ്രതികള് ഓട്ടോ നിര്ത്തി മറിയുമ്മയെ വഴിയില് തള്ളിയിട്ട് രക്ഷപ്പെടുകയായിരുന്നു.
സംഭവത്തില് മഞ്ചേശ്വരം പോലീസ് കേസെടുത്തുവെങ്കിലും പ്രതികളെ കണ്ടെത്താന് കഴിഞ്ഞില്ല. ഇതിനിടയിലാണ് സമാന മറ്റൊരു സംഭവത്തില് സലാമിനെ വിദ്യാനഗര് പോലീസ് അറസ്റ്റ് ചെയ്തത്. ചോദ്യം ചെയ്യലില് മറിയുമ്മയുടെ സ്വര്ണം തട്ടിയതും സലാമിന്റെ നേതൃത്വത്തിലുള്ള സംഘമാണെന്ന സൂചന ലഭിക്കുകയായിരുന്നു. തുടര്ന്ന് സലാമിനെ കസ്റ്റഡിയിലെടുത്തു ചോദ്യം ചെയ്തപ്പോഴാണ് സംഭവം വ്യക്തമായത്. മറിയുമ്മ പ്രതിയെ തിരിച്ചറിഞ്ഞതായി പോലീസ് പറഞ്ഞു.
Keywords: Theft, Youth, Arrest, Gold Ring, Police, Case, Custody, Kasaragod, Kerala.
