കാസര്കോട് ജില്ലാ മുസ്ലിം ലീഗില് വീണ്ടും വിഭാഗീയതയും പൊട്ടിത്തെറിയും
Sep 1, 2012, 22:56 IST
ജില്ലാ പ്രവര്ത്തക സമിതിയിലേക്കും ദേശീയ കൗണ്സിലിലേക്കും വ്യവസായികളേയും ബിസിനസുകാരെയും മാത്രം തെരഞ്ഞെടുത്തതാണ് പാര്ട്ടിയെ പിടിച്ചുലച്ചുകൊണ്ടിരിക്കുന്നത്. ആഗസ്ത് 25ന് ചേര്ന്ന ജില്ലാ കമ്മിറ്റി യോഗത്തിലാണ് ജില്ലാ പ്രവര്ത്തക സമിതിയിലേക്കും ദേശീയ കൗണ്സിലിലേക്കും അംഗങ്ങളെ തെരഞ്ഞെടുത്തത്. രണ്ട് പ്രധാന നേതാക്കള് തമ്മില് ജില്ലാ കമ്മിറ്റിയോഗത്തില് ഏറ്റുമുട്ടലിന്റെ വക്കോള്ളം എത്തുകയും ചെയ്തിരുന്നു.
എം.എസ്. മുഹമ്മദ് കുഞ്ഞി, ഗോള്ഡന് അബ്ദുല് ഖാദര് എന്നിവരെ ദേശീയ കൗണ്സിലിലേക്കും മൂസ ബി. ചെര്ക്കള, കെ.എം അബ്ദുര് റഹ്മാന്, മജീദ് തളങ്കര എന്നിവരെ ജില്ലാ പ്രവര്ത്തക സമിതിയിലേക്കും നിയമിക്കണമെന്നാണ് ഒരു പ്രമുഖനേതാവ് നിര്ദ്ദേശം മുന്നോട്ട് വെച്ചത്. അതേ സമയം മറ്റൊരു നേതാവ് ചിലപേരുകളും നിര്ദ്ദേശിച്ചു. ഇതിന്റെ പേരിലാണ് നേതാക്കള് തമ്മില് വാഗ്വാദമുണ്ടായത്. അംഗങ്ങളെ തെരഞ്ഞെടുത്തതിനെതിരെ കമ്മിറ്റിക്കുള്ളിലും പുറത്തും പ്രതിഷേധം ശക്തമായിരുന്നു.
സമ്പന്നരെ സ്ഥാനങ്ങള് നല്കി തൃപ്തിപ്പെടുത്തുകയും മുഴുവന്സമയം പാര്ട്ടിപ്രവര്ത്തനത്തിനുവേണ്ടി ജീവിതം ഒഴിഞ്ഞുവെച്ച നേതാക്കളെ തഴയുകയും ചെയ്ത ജില്ലാ കമ്മിറ്റിയുടെ നടപടി ഇതിനകംതന്നെ പല പ്രാദേശിക കമ്മിറ്റികളും ചോദ്യംചെയ്തിട്ടുണ്ട്. ചെമ്മനാട് പഞ്ചായത്ത് വൈസ് പ്രസിഡന്റ് കല്ലട്ര അബ്ദുല് ഖാദറിനെയും ഹുസൈനാര് തെക്കിലിനേയും ജില്ലാ പ്രവര്ത്തകസമിതിയില് ഉള്പ്പെടുത്താത്തിനെതിരെ ചെമ്മനാട് പഞ്ചായത്ത് ലീഗ് കമ്മിറ്റിയിലും, ഉദുമ മണ്ഡലം കമ്മിറ്റിയിലും, വാര്ഡ് കമ്മിറ്റിയിലും ശക്തമായ പ്രതിഷേധമാണ് നിലനില്ക്കുന്നത്. തൃക്കരിപ്പൂര് മണ്ഡലം നേതാക്കളേയും ജില്ലാ പ്രവര്ത്തക സമിതിയില് ഉള്പ്പെടുത്താതെ തഴഞ്ഞതായി ആക്ഷേപമുണ്ട്.
കാസര്കോട് വെടിവെപ്പ് കേസില് മുഖ്യപ്രതിയായ മുന് കാസര്കോട് എസ്.പി. രാംദാസ് പോത്തന് വിരുന്ന് നല്കിയതിന്റെ പേരില് അന്വേഷണം നേരിട്ട നേതാക്കളെ ജില്ലാ പ്രവര്ത്തക സമിതിയില് ഉള്പ്പെടുത്തിയതിനെതിരെയും പ്രതിഷേധം ശക്തമായിട്ടുണ്ട്. മുസ്ലിം ലീഗ് ജില്ലാ കമ്മിറ്റിയോഗത്തില് രണ്ട് നേതാക്കള് തമ്മിലുണ്ടായ വാഗ്വാദം പാര്ട്ടിക്കുള്ളില് വീണ്ടും വിഭാഗിയത തലപൊക്കുന്നതിന്റെ സൂചനയായി വിലയിരുത്തപ്പെടുന്നു. പാര്ട്ടീപാരമ്പര്യംപോലും ചോദ്യംചെയ്യുന്ന രീതിയിലായിരിന്നു നേതാക്കള് തമ്മിലുള്ള വെല്ലുവിളി. പലകാര്യങ്ങളിലും ശക്തമായതും തന്റേടത്തോടെയുമുള്ള തീരുമാനങ്ങളെടുത്ത മുസ്ലിം ലീഗ് ജില്ലാ പ്രസിഡണ്ട് ചെര്ക്കളം അബ്ദുല്ല കഴിഞ്ഞ കുറേകാലങ്ങളായി അയഞ്ഞ സമീപനം സ്വീകരിച്ചുവന്നതാണ് പാര്ട്ടിയില് വിമതശബ്ദങ്ങള് ഉയരാന് കാരണമെന്നാണ് ഒരുവിഭാഗം പറയുന്നത്.
അതിനിടെ ചെമ്മനാട് പഞ്ചായത്ത് എട്ടാംവാര്ഡ് ലീഗ് കമ്മിറ്റിയുടെ പേരില് വ്യാജ ലെറ്റര് ഹെഡുണ്ടായത് മറ്റൊരു വിവാദത്തിന് തിരികൊളുത്തിയിട്ടുണ്ട്. രാജിവെച്ചു എന്ന് പറയുന്ന നേതാക്കള് വാര്ത്താസമ്മേളനം നടത്തി ഇതിന് പിന്നില് പ്രവര്ത്തിച്ചവര്ക്കെതിരെ നിയമ നടപടികള് സ്വീകരിക്കുമെന്ന് മുന്നറിയിപ്പ് നല്കിയിട്ടുണ്ട്. ജില്ലാ കമ്മിറ്റിയുടെ തീരുമാനത്തില് പ്രതിഷേധം ഉണ്ടെങ്കിലും പാര്ട്ടിക്കുള്ളില് നിന്നുകൊണ്ടുതന്നെ നേതൃത്വത്തിന്റെ തീരുമാനങ്ങള്ക്കെതിരെ പ്രതികരിക്കുമെന്നാണ് നേതാക്കള് വാര്ത്താ സമ്മേളനത്തില് വ്യക്തമാക്കിയത്. മുസ്ലിം ലീഗില് അച്ചടക്കം നഷ്ടപ്പെടുന്നത് സംസ്ഥാനനേതൃത്വത്തിനും തലവേധനയായി മാറിയിട്ടുണ്ട്.
അതേസമയം ജില്ലാ പ്രവര്ത്തകസമിതിയിലും ദേശീയ കൗണ്സിലിലും പലനേതാക്കളേയും തഴഞ്ഞ് വ്യവസായികളെയും സമ്പന്നരേയും മാത്രമാണ് ഉള്പെടുത്തിയതെന്ന പ്രചാരണത്തില് കഴമ്പില്ലെന്ന് ജില്ലാ പ്രസിഡണ്ട് ചെര്ക്കളം അബ്ദുല്ല കാസര്കോട് വാര്ത്തയോട് പറഞ്ഞു. പാര്ട്ടിയില് വ്യവസായിയെന്നോ സമ്പന്നനെന്നോ വേര്തിരിവില്ല. പാര്ട്ടിയില് എല്ലാവരും സമന്മാരാണ്. ജില്ലാ കമ്മിറ്റിയോഗത്തില് നേതാക്കള് തമ്മില് വാഗ്വാദം നടന്നുവെന്ന പ്രചാരണവും ചെര്ക്കളം നിഷേധിച്ചു.
Keywords: Muslim-league, Kasaragod, Chemnad, Panchayath, Cherkalam Abdulla, Kerala, IUML.
