പടന്നക്കാട് റെയില്വെ മേല്പാലം മുഖ്യമന്ത്രി ഉദ്ഘാടനം ചെയ്യും
Aug 23, 2012, 00:20 IST
നീലേശ്വരത്തെ മേല്പാലം നിര്മിക്കുന്ന വേളയില്തന്നെ പടന്നക്കാട് മേല്പാലവും നിര്മാണം തുടങ്ങണമെന്ന് ജനങ്ങള് ശക്തമായി ആവശ്യപ്പെട്ടിരുന്നുവെങ്കിലും ഒരു ജനപ്രതിനിധിയുടെ പ്രാദേശിക താല്പര്യം കാരണമാണ് പടന്നക്കാട് പാലം നിര്മാണം ആരംഭിക്കുന്നത് തന്നെ വൈകാനും കാരണമായത്. ദേശീയപാതയില് വാഹനങ്ങളുടെ ആധിക്യം കാരണം ഗതാഗതക്കുരുക്ക് പതിവാകുമ്പോഴും നീലേശ്വരത്തെ മേല്പാലത്തിനാണ് ജനപ്രതിനിധി കൂടുതല്താല്പര്യമെടുത്തത്. അതേ സമയം ഇ.അഹമ്മദ് കേന്ദ്ര റെയില്വെ മന്ത്രി സ്ഥാനം ഏറ്റെടുത്ത സമയത്താണ് പാലം പണി വേഗതയിലായത്.
ഒരു കിലോമീറ്റര് 119.6 മീറ്ററാണ് പാലത്തിന്റെ നീളം. രണ്ട് ഭാഗങ്ങളിലായി അപ്രോച്ച് റോഡും നിര്മ്മിച്ചിട്ടുണ്ട്. 27 സ്പാനുകളാണുള്ളത്. 37 കോടി രൂപയോളം ചെലവഴിച്ചാണ് പാലം നിര്മ്മാണം പൂര്ത്തിയാക്കിയത്. പാലത്തിന്റെ നിര്മ്മാണം പൂര്ത്തിയായ ഉടന് വാഹനങ്ങളുടെ ട്രയല് ഓട്ടം നടത്തിയിരുന്നു.
Keywords: Kasaragod, Padnakkad, Railway, Bridge, Chief Minister, Oommen Chandy, Kanhangad.
