ജില്ലയിലെ പശ്ചാത്തല സൗകര്യങ്ങള് വര്ദ്ധിപ്പിക്കുന്നതിനുള്ള നിര്ദ്ദേശങ്ങള് സംബന്ധിച്ച പൊതുമരാമത്ത് വകുപ്പ് റോഡ്സ്, കെട്ടിട വിഭാഗം എക്സിക്യൂട്ടീവ് എഞ്ചിനീയര്മാര്, കേരള വാട്ടര് അതോറിറ്റി എക്സിക്യൂട്ടീവ് എഞ്ചിനീയര്മാരുമായി ചര്ച്ച നടത്തി. തുടര്ന്ന് വിദ്യാഭ്യാസ വികസനവുമായി ബന്ധപ്പെട്ട വിദ്യാഭ്യാസ ഡെപ്യൂട്ടി ഡയറക്ടര്, ഡയറ്റ് പ്രിന്സിപ്പാള് എന്നിവരുമായി ചര്ച്ച നടത്തി.
മൃഗസംരക്ഷണ വകുപ്പ്, ഡയറി ഡെവലപ്പ്മെന്റ് ഉദ്യോഗസ്ഥരുമായും പ്രത്യേകം ചര്ച്ച ചെയ്ത പ്രഭാകരന് തുടര്ന്ന് ജില്ലാ മെഡിക്കല് ഓഫീസര്, എന്.ആര്.എച്ച്.എം കോര്ഡിനേറ്ററുമായും ചര്ച്ച നടത്തി. കൃഷി വികസനവുമായി പ്രിന്സിപ്പല് കൃഷി ഓഫീസറുമായും ലീഡ് ജില്ലാ ബാങ്ക് മാനേജരുമായും വിശദമായ ചര്ച്ച നടത്തി. എന്ഡോസള്ഫാന് സെല് ഡെപ്യൂട്ടി കളക്ടറുമായും അദ്ദേഹം ചര്ച്ച ചെയ്തു. എം.പി, എം.എല്.എ മാര്, ജില്ലാ പഞ്ചായത്ത് പ്രസിഡണ്ട്, ജില്ലാ പഞ്ചായത്ത് എക്സിക്യൂട്ടീവ് എഞ്ചിനീയര്മാര് എന്നിവരുമായി പ്രത്യേക ചര്ച്ച നടത്തി.
പട്ടികജാതി-പട്ടികവര്ഗ്ഗക്കാര്ക്കുള്ള മുന്നേറ്റം വിദ്യാഭ്യാസ പദ്ധതി, ജില്ലാപഞ്ചായത്തിന്റെ സീറോ വേസ്റ്റ് പദ്ധതികളെക്കുറിച്ചും വിശദമായി ചര്ച്ച നടത്തി. ഉടന് നടപ്പിലാക്കേണ്ട പദ്ധതികള് അഞ്ചു വര്ഷം കൊണ്ട് നടപ്പിലാക്കേണ്ട വികസന പദ്ധതികള്, ദീര്ഘകാലംകൊണ്ട് നടപ്പിലാക്കേണ്ട പദ്ധതികള് എന്നീ മൂന്ന്ഘട്ട പദ്ധതികള്ക്കാണ് കമ്മീഷന് ഊന്നല് നല്കുന്നത്.
വിവിധ ജില്ലാതല ഓഫീസര്മാരുമായി നടത്തിയ ചര്ച്ചയുടെ അടിസ്ഥാനത്തില് ആവശ്യമായ വിവരങ്ങള് ഉള്പ്പെടുത്തി അന്തിമ കരട് പദ്ധതി സെപ്റ്റംബര് ആഞ്ചിനകം സമര്പ്പിക്കാന് ജില്ലാ കളക്ടര്ക്ക് പ്രഭാകരന് കമ്മീഷന് നിര്ദ്ദേശം നല്കി. വിവിധ ചര്ച്ചകളില് ജില്ലാ കളക്ടര് വി.എന്.ജിതേന്ദ്രനും പങ്കെടുത്തു.
Keywords: Prabhakaran commission, Discussion, Political leaders, Officers, Kasaragod
0 comments:
Post a Comment