ദേശീയ പതാക കീറിയെറിഞ്ഞ രണ്ട് പേര്ക്കെതിരെ കേസ്
Aug 16, 2012, 20:35 IST
ബുധനാഴ്ച രാവിലെ പൈക്ക, അര്ളടുക്കത്താണ് സംഭവം. അര്ളടുക്കയിലെ മൊയ്തീന്കുഞ്ഞിയുടെ മകനും, കോണ്ഗ്രസ് മണ്ഡലം വാര്ഡ് കമ്മിറ്റി പ്രസിഡന്റുമായ മുഹമ്മദ് ജാവേദി(22) ന്റെ പരാതി പ്രകാരം ഒ.പി. ഹനീഫ, ഒ.പി. ഇബ്രാഹിം എന്നിവര്ക്കെതിരെയാണ് കേസെടുത്തത്. ബുധനാഴ്ച രാവിലെ ചന്ദ്രംപാറയിലാണ് സംഭവത്തിന് തുടക്കം. കോണ്ഗ്രസ് വാര്ഡു പ്രസിഡന്റായ മുഹമ്മദ് ജാവേദ് തന്റെ വാനില് ദേശീയ പതാക കെട്ടി ചന്ദ്രംപാറയില് സുഹൃത്തിനൊപ്പം എത്തി സ്കൂള് വിദ്യാര്ത്ഥികള്ക്കു മിഠായി വിതരണം ചെയ്യുകയായിരുന്നു. ഇതിനിടയില് സ്ഥലത്തെത്തിയ ഒ.പി. ഹനീഫയും, ഒ.പി. ഇബ്രാഹിമും മുഹമ്മദ് ജാവേദിന്റെ നടപടിയെ ചോദ്യം ചെയ്തു. കോണ്ഗ്രസുകാര് ഇവിടെ വന്ന് മധുരം വിതരണം ചെയ്യേണ്ടെന്നു പറഞ്ഞു തടസ്സപ്പെടുത്തി. ഇതിനു മുഹമ്മദ് ജാവേദ് വഴങ്ങിയില്ല. ഇതേ തുടര്ന്ന് പ്രതികളായ ഇരുവരും ചേര്ന്ന് ദേശീയ പതാക വാനില് നിന്നു അഴിച്ചെടുത്ത് നശിപ്പിക്കുകയും കൊടി കെട്ടിയ വടി കൊണ്ട് പരാതിക്കാരനെയും സുഹൃത്തിനെയും അടിച്ചു പരിക്കേല്പ്പിക്കുകയും ചെയ്തു.
കോണ്ഗ്രസ് നേതാവിന്റെ നേതൃത്വത്തില് സ്വാതന്ത്ര്യദിനത്തില് ദേശ സ്നേഹം പ്രകടിപ്പിക്കുന്നത് തടഞ്ഞ സംഭവം കോണ്ഗ്രസ് നേതൃത്വത്തെ ചൊടിപ്പിച്ചിട്ടുണ്ട്. സംഭവം അറിഞ്ഞ ഉടനെ കോണ്ഗ്രസ് നേതാക്കള് ഇടപെട്ടതിനെ തുടര്ന്നാണ് ലീഗ് നേതാക്കള്ക്കെതിരെ കേസെടുത്തത്
Keywords: Flag, case, Attack, Muslim-league, Congress, Kasaragod, Badiaduka.
