എന്ഡോസള്ഫാന്: 130 ദിവസമായി അമ്മമാര് നടത്തി വന്ന സമരം പിന്വലിച്ചു
Aug 27, 2012, 20:40 IST
അര്ഹരായ മുഴുവന് പേര്ക്കും ദേശീയ മനുഷ്യാവകാശ കമ്മീഷന് നിര്ദേശിച്ച രീതിയില് സഹായം നല്കുമെന്ന് മുഖ്യമന്ത്രി അറിയിച്ചിട്ടുണ്ട്. നിലവിവുള്ള ലിസ്റ്റിലുള്ളവര്ക്കുപുറമെ രണ്ടാംഘട്ട മെഡിക്കല് ക്യാമ്പില് നിന്നും തെരെഞ്ഞെടുക്കപ്പെട്ടവര്ക്കു കൂടി ആനുകൂല്യം നല്കുമെന്ന തീരുമാനവും മുഖ്യമന്ത്രിയുടെ ഭാഗത്ത് നിന്നും ഉണ്ടായിട്ടുണ്ട്. കടബാധ്യതകള് എഴുതി തള്ളുന്നതിനുള്ള ഒരു കമ്മിറ്റിയെ രൂപീകരിക്കുമെന്ന സുപ്രധാന തീരുമാനവും മുഖ്യമന്ത്രിയുമായുള്ള ചര്ചയില് ഉണ്ടായിട്ടുണ്ട്.
സമയബന്ധിതമായി നടപടികള് പൂര്ത്തിയാക്കുന്നതിന് സര്കാര് തയ്യാറായില്ലെങ്കില് കൂടുതല് ശക്തമായ സമരപരിപാടികള് വീണ്ടും തുടങ്ങുമെന്നും നേതാക്കള് മുന്നറിയിപ്പ് നല്കി. സെപ്തംബര് മൂന്നിന് പ്രശ്നം ചര്ച ചെയ്യാന് കാസര്കോട്ടെത്തുന്ന മൂന്ന് മന്ത്രിമാരോട് എല്ലാ വിഷയങ്ങളും ബോധ്യപ്പെടുത്തും. കടബാധ്യതകളെ കുറിച്ചുള്ള മുഴുവന് വിവരങ്ങളും നല്കും. അഞ്ച് വര്ഷം കൊണ്ട് എന്ഡോസള്ഫാന് ഇരകള്ക്കുള്ള മുഴുവന് സഹായങ്ങളും നിര്ത്താനാണ് സര്കാര് തീരുമാനിച്ചിട്ടുള്ളതെന്ന വസ്തുത ആശങ്കാജനകമാണ്. മുഖ്യമന്ത്രിയുടെ വീടിനു മുന്നില് തിരുവോണ നാളില് നടത്താനിരുന്ന സത്യാഗ്രഹം പിന്വലിച്ചതായും നേതാക്കള് പറഞ്ഞു.
വാര്ത്താസമ്മേളനത്തില് അംബികസുതന് മാങ്ങാട്, ടി.സി. മാധവ പണിക്കര്, അമ്പലത്തറ കുഞ്ഞികൃഷ്ണന്, എ. മോഹന്കുമാര്, ടി. ശോഭന, സുള്ഫത്ത്, മിസ്രിയ, പി.വി. സൂധീര് കുമാര് തുടങ്ങിയവര് സംബന്ധിച്ചു.
Keywords: Press meet, Endosulfan, Collectorate, Press Club, Medical-camp, Kerala, Kasaragod
