ബസ് ജീവനക്കാരെനെ­തിരെ വധശ്രമത്തിന് കേസെടുക്കണം: എം.എസ്.എഫ്

കാസര്‍കോട്: കോളേജില്‍ നിന്ന് ക്ലാസ്സ് കഴിഞ്ഞ് ബസില്‍ യാത്ര ചെയ്യുകയായിരുന്ന നളന്ദ കോളേജിലെ ഡിഗ്രി വിദ്യാര്‍ത്ഥിയും എം.എസ്.എ­ഫ് പ്രവര്‍ത്തകനുമായ അബൂബക്കര്‍ സിദ്ധീഖിനെ കുത്തി കൊലപ്പെടുത്താന്‍ ശ്രമിച്ച ദേവി പ്രസാദ് ബസ് ജീവനക്കാരനെതിരെ വധശ്രമത്തിന് കേസെടുക്കണമെന്ന് എം.എസ്.എഫ്. സംസ്ഥാന സെക്രട്ടറി ബാത്തിഷ പൊവ്വല്‍ ആവശ്യപ്പെട്ടു.

നഗരത്തി­ലും, ബസ്സ്റ്റാന്‍ഡുകളി­ലും, ബസുകളി­ലും സാമൂഹ്യ­വി­രുദ്ധരുടെ സമീപനം കാണിക്കുന്ന ജീവന­ക്കാര്‍ വിദ്യാര്‍ത്ഥികളോട് അപമര്യാദയായ് പെരുമാറു­ന്ന­ത് ആദ്യമല്ല. വിദ്യാര്‍ത്ഥികളോടുള്ള ബസ് മുതലാളിമാരുടേയും ജീവനക്കാരുടേയും സമീപനം മാറണമെ­ന്നും തല്ല് കൊള്ളാന്‍ മാത്രം വിധിക്കപ്പെട്ടവരല്ല വിദ്യാര്‍ത്ഥി സമൂഹമെന്ന് ജീവനക്കാര്‍ തിരിച്ചറിയണമെന്നും അദ്ദേഹം കൂട്ടിച്ചേര്‍ത്തു.

Keywords: Kasaragod, Bus employees, Murder-attempt, MSF, Student.