മഞ്ചേശ്വരം താലൂക്ക് ബജറ്റില്‍ ഉള്‍പ്പെടുത്തണം: യൂത്ത് കോണ്‍-ഐ

കുമ്പള: മഞ്ചേശ്വരം താലൂക്ക് രൂപീകരണത്തിന് ഫണ്ട് അനുവദിച്ച് ഈ വര്‍ഷത്തെ ബജറ്റില്‍ പ്രഖ്യാപനമുണ്ടാവണമെന്ന് യൂത്ത് കോണ്‍ഗ്രസ്-ഐ മഞ്ചേശ്വരം ബ്ലോക്ക് കമ്മിറ്റി യോഗം ആവശ്യപ്പെട്ടു.
താലൂക്ക് രൂപീകരണം യു.ഡി.എഫ് പ്രകടന പത്രികയിലെ വാഗ്ദാനങ്ങളിലൊന്നാണ്. 1996ല്‍ ജി. ബാബുപോള്‍ ചെയര്‍മാനായുള്ള കമ്മിറ്റി താലൂക്കിന് അനുകൂലമായ റിപ്പോര്‍ട്ട് സര്‍ക്കാറിന് സമര്‍പ്പിച്ചിട്ടും നാളിതുവരെ താലൂക്ക് രൂപീകരണത്തിന് നടപടി സ്വീകരിച്ചിട്ടില്ല. ഇത് പ്രതിഷേധാര്‍ഹമാണെന്ന് യോഗം അഭിപ്രായപ്പെട്ടു.
കെ.പി.സി.സി മെമ്പര്‍ എന്‍.ടി ജോസഫിന്റെ നിര്യാണത്തില്‍ യോഗം അനുശോചിച്ചു. യൂത്ത് കോണ്‍ഗ്രസ്-ഐ കാസര്‍കോട് പാര്‍ലമെന്റ് മണ്ഡലം പ്രസിഡന്റ് ഹക്കീം കുന്നില്‍ ഉദ്ഘാടനം ചെയ്തു. മഞ്ചേശ്വരം നിയോജക മണ്ഡലം പ്രസിഡന്റ് അഡ്വ. സുധാകര്‍ റൈ അധ്യക്ഷത വഹിച്ചു. മനാഫ് നുള്ളിപ്പാടി, ഹര്‍ഷാദ് വോര്‍ക്കാടി, കേശവ പ്രസാദ്, അസീസ് പൈവളിഗെ, വസന്തന്‍ കുമ്പള, ശെരീഫ് വോര്‍ക്കാടി, ലോക്‌നാഥ് ഷെട്ടി, ആരീഫ് മച്ചമ്പാടി എന്നിവര്‍ സംസാരിച്ചു. ജനറല്‍ സെക്രട്ടറി നാസര്‍ മൊഗ്രാല്‍ സ്വാഗതം പറഞ്ഞു.