'മൊഗ്രാല് റെയില്പാലത്തിനടിയിലൂടെ വാഹനഗതാഗതത്തിന് അനുമതി നല്കണം'
Feb 23, 2012, 14:00 IST
മൊഗ്രാല് പടിഞ്ഞാറിലെ കൊപ്പളം ഗാന്ധിനഗര് നാങ്കി പ്രദേശങ്ങളിലെ മത്സ്യതൊഴിലാളി കുടുംബങ്ങളും എസ്.സി വിഭാഗത്തില്പ്പെടുന്ന കുടുംബങ്ങളാണ് ഏറെയുള്ളത്. യാത്രാസൗകര്യമില്ലാത്തതിനാല് പ്രദേശവാസികള് അനുഭവിക്കുന്ന ബുദ്ധിമുട്ടുകള് ഏറുകയാണ്. രോഗികളെ ആശുപത്രയിലെത്തിക്കാനും മറ്റും നേരിടുന്ന വിഷമതകള് വിവരണാതീതമാണ്. സ്ഥലത്ത് മേല്പ്പാലത്തിനും കീഴ്പ്പാലത്തിനും പകരം ചെറുവാഹനങ്ങള് കടത്തിവിടാന് അനുമതി ലഭ്യമാക്കുമെന്ന് മുമ്പ് സ്ഥലം സന്ദര്ശിച്ച റെയില്വേ ഡിവിഷന് മാനേജര് വാഗ്ദാനം ചെയ്തിരുന്നു. ഇതേ തുടര്ന്ന് നാട്ടുകാര് ചേര്ന്ന് കോയിപ്പാടി, കൊപ്പളം തീരദേശ റോഡിന് ബന്ധിപ്പിക്കുന്ന സ്ഥലത്ത് പുഴയോര ലിംഗ് റോഡ് നിര്മ്മിച്ചു. ഈ റോഡ് ഉപയോഗപ്പെടുത്തി ചെറുവാഹനങ്ങള്ക്ക് പാലത്തിനടിയിലൂടെ കടന്നുപോകാന് അനുമതി നല്കണമെന്നാണ് നിവേദനത്തില് ആവശ്യപ്പെട്ടിട്ടുള്ളത്.
യൂണിറ്റ് കമ്മിറ്റി പ്രസിഡന്റ് സി.എം അബ്ദുല്ല കുഞ്ഞി, ഗ്രാമപഞ്ചായത്തംഗം എം.എ മൂസ, ബ്ലോക്ക് യൂത്ത് കോണ്ഗ്രസ് ജനറല് സെക്രട്ടറി നാസിര് മൊഗ്രാല് തുടങ്ങിയവര് ചേര്ന്നാണ് മുഖ്യമന്ത്രിക്കും കെ.പി.സി.സി പ്രസിഡന്റിനും നിവേദനം നല്കിയത്.
Keywords: kasaragod, Mogral, Railway, Bridge, Congress(I),
