നാടെങ്ങും ബലിപെരുന്നാള്‍ ആഘോഷം

കാഞ്ഞങ്ങാട് നോര്‍ത്ത് കോട്ടച്ചേരി ഹീറാ മസ്ജിദ് അങ്കണത്തില്‍ നടന്ന പെരുന്നാള്‍ നമസ്‌ക്കാരം

കാസര്‍കോട്: ത്യാഗത്തിന്റെയും സഹനത്തിന്റെയും ഓര്‍മകള്‍ പുതുക്കി വിശ്വാസികള്‍ ബലിപെരുന്നാള്‍ ആഘോഷിക്കുന്നു. നാടെങ്ങും തക്ബീര്‍ ധ്വനികളും ലബ്ബൈകല്ലാഹുമ്മ എന്ന സമര്‍പ്പണത്തിന്റെ നാദങ്ങളും ഉയര്‍ത്തിയാണ് പെരുന്നാള്‍ ദിനത്തെ വരവേറ്റത്. പെരുന്നാള്‍ നമസ്‌കാരവും ബലികര്‍മവും അനുഷ്ഠിച്ച് വിശ്വാസികള്‍ ഇബ്രാഹിം നബിയുടെ അര്‍പ്പണ ബോധത്തിന്റെ പാത പിന്തുടരുന്നു.

നാടിന്റെ വിവിധഭാഗങ്ങളില്‍ പള്ളികളിലും മൈതാനികളിലും നടന്ന ഈദ് നമസ്‌കാരങ്ങളില്‍ ആയിരക്കണക്കിന് പേര്‍ പങ്കെടുത്തു. ഈദ് നിസ്ക്കാരത്തിന് ശേഷം പരസ്പരം ആലിംഗനം ചെയ്തും ഈദ് ആശംസകള്‍ നേര്‍ന്നും വിശ്വാസികള്‍ സൗഹൃദവും സാഹോദര്യവും ആത്മ ബന്ധവും പുതുക്കി.


Keywords: Eid, Eid-Mubarak, Eid Al Adha, Kasaragod, Kerala