ഗര്ഭാശയ ഗള ക്യാന്സര് പരിശോധന ക്യാമ്പ്
Oct 25, 2011, 16:16 IST
കാസര്കോട്: സ്ത്രീകളില് സാധാരണയായി കണ്ടുവരുന്ന ഗര്ഭാശയഗള കാന്സര് നേരത്തേ കണ്ടുപിടിക്കുന്നതിനുളള പാപ്സ്മിയര് പരിശോധന ക്യാമ്പ് 27 ന് രാവിലെ 9 മണിമുതല് 12.30 വരെ കാഞ്ഞങ്ങാട് ജില്ലാ ആശുപത്രിയില് സംഘടിപ്പിക്കും. പടന്നക്കാട് ലയണ്സ് ക്ലബ്ബ്, ജില്ലാ ആശുപത്രിയിലെ പെയിന് ആന്റ് പാലിയേറ്റീവ് കെയര് യൂണിറ്റ് എന്നിവയുടെ സംയുക്താഭിമുഖ്യത്തിലാണ് ക്യാമ്പ് സംഘടിപ്പിക്കുന്നത്. മലബാര് ക്യാന്സര് സെന്ററിലെ വിദഗ്ധ ഡോക്ടര്മാര് ക്യാമ്പിന് നേതൃത്വം നല്കും. സൗജന്യമായി സംഘടിപ്പിക്കുന്ന ഈ പരിശോധന ക്യാമ്പിന്റെ കൂടുതല് വിവരങ്ങള്ക്കും പേര് രജിസ്റ്റര് ചെയ്യുന്നതിനും 9895021745 എന്ന നമ്പറില് ബന്ധപ്പെടാം.